AKA paraqet në diskutim publik Planin Strategjik 2021-2025 dhe Metodologjinë e Monitorimit
Agjencia e Kosovës për Akreditim (AKA), me përkrahjen e dy projekteve të Agjencisë për Zhvillim të Austrisë: Projektit Heras Plus dhe QAINT ka prezantuar më 01.12.2021 për diskutim publik Planin Strategjik 2021-2025 dhe Metodologjinë e Monitorimit dhe Procedurat Pas-akredituese.
Deri më 14 dhjetor 2021, AKA do të pranojë sugjerimet nga të gjithë akterët e arsimit të lartë në Republikën e Kosovës.
Drejtori i AKA-së, Naim Gashi, ka thënë se Plani Strategjik 2021-2025 i AKA-së është dokument bazë i cili do të përcaktojë orientimin dhe drejtimin e proceseve të sigurimit të cilësisë në sektorin e arsimit të lartë për 5 vitet e ardhshme.
“Ky Plan është hartuar në përputhje me misionin e AKA-së i cili ka shërbyer si udhërrëfyes për vendosjen e objektivave strategjike të cilat mundësojnë vlerësimin e vazhdueshëm të efektivitetit të veprimeve të AKA-së. Gjithashtu ky Plan është hartuar duke marrë për bazë parimet e aplikuara në Zonën Evropiane të Sigurimit të Cilësisë (EHEA), posaçërisht Standardet dhe Udhëzuesit Evropian të Sigurimit të Cilësisë në Arsimin e Lartë (ESG 2015) si dhe rekomandimet e vlerësuesve të jashtëm të ENQA”, ka thënë Gashi.
Ai ka shtuar se Plani Strategjik është hartuar në bazë të një procesi të gjerë konsultativ i cili ka përfshirë gjithë pjesëtarët relevantë të arsimit të lartë në Kosovë. Përmes qasjes gjithëpërfshirëse në këtë proces, AKA ka siguruar që objektivat strategjike të jenë në përputhje me kërkesat dhe nevojat e sistemit të arsimit të lartë në Kosovë dhe të jenë të përshtatshme për kontekstin brenda të cilit zhvillohet sistemi jonë i sigurimit të cilësisë.
Kontributi i të gjithë akterëve për hartimin e këtij Plani Strategjik është tregues i rritjes së përkushtimit të të gjithë komunitetit akademik për përmirësimin e vazhdueshëm të cilësisë së arsimit të lartë në Republikën e Kosovës.
01.12.2021 Metodologjia e monitorimit dhe procedurave pasakredituese diskutim publik
01.12.2021 Plani Strategjik AKA 2021-2025 per diskutim publik
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]
Fillon Procesi i Monitorimit për Vitin Akademik 2026/2027
Divizioni për Monitorim ka filluar realizimin e procesit të monitorimit për vitin akademik 2026/2027, në kuadër të mandatit dhe përgjegjësive për mbikëqyrjen e zbatimit të standardeve të cilësisë në institucionet e arsimit të lartë. Sot, [...]





