Uncategorized

Agjencia e Kosovës për Akreditim (AKA) dhe Rektorati i Universitetit të Prishtinë kanë organizuar më 16.05.2023 një sesion informues lidhur me standardet dhe procesin e akreditimit të programeve akademike, në të cilin kanë marrë pjesë koordinatorët e sigurimit të cilësisë dhe bartësit e programeve akademike nga të gjitha njësitë akademike të UP-së. Kryetarja e Këshillit Shtetëror të Cilësisë (KShC), profesoresha Hasnije Ilazi, ka thënë se AKA ka krijuar një kohezion nacional lidhur me cilësinë në sistemin e arsimit të lartë, dhe ky momentum ka gjetur përkrahje të fuqishme edhe nga donatorët dhe partnerët ndërkombëtarë. Kryetarja Ilazi tha se gjithëpërfshirja, partneriteti dhe [...]

Një delegacion i Agjencisë së Kosovës për Akreditim (AKA) është pritur në Bratislavë nga drejtuesit e Agjencisë së Akreditimit të Sllovakisë për Arsimin e Lartë (SAAVS), me të cilët kanë biseduar për bashkëpunimin në fushën e cilësisë në arsimin e lartë, shkëmbimet akademike dhe mundësinë e projekteve të përbashkëta. Delegacioni i AKA-së përbëhej nga Kryetarja e Këshillit Shtetëror të Cilësisë (KShC), profesoresha Hasnije Ilazi, drejtori i përgjithshëm i AKA-së, Naim Gashi si dhe zyrtarja e lartë për akreditim, Ilirjanë Ademaj Ahmeti. Nga ana e Sllovakisë ishin nikoqir profesori Robert Redhammer, kryetar i Bordit të SAAVS, profesori René Matlovič, zëvendëskryetar i Bordit [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti më 14.04.2023 mbledhjen e rregullt, në të cilën janë diskutuar disa pika të rendit të ditës. Në këtë mbledhje janë shqyrtuar dhe është vendosur për raportet e ekspertëve ndërkombëtarë për procesin e akreditimit dhe riakreditimit në nivel institucional dhe të programeve akademike. KShC i ka shqyrtuar dhe ka vendosur për të gjitha ankesat dhe kërkesat që i janë drejtuar këtij institucioni. Në mbledhjen e KShC-së janë diskutuar përgatitjet për Konferencën ndërkombëtare për cilësinë në arsimin e lartë, e cila do të organizohet nga AKA, në Prishtinë, më 26 [...]

Drejtori i Përgjithshëm i Agjencisë së Kosovës për Akreditim (AKA), Naim Gashi, ka pritur në takim Ambasadorin e Italisë në Kosovë, z. Antonello De Riu, me të cilin kanë biseduar për mundësinë e hapjes së programeve të studimit në gjuhën italiane në institucionet e arsimit të lartë në Kosovë. Drejtori Gashi ka shprehur gatishmërinë e institucionit që drejton për të ofruar ndihmë profesionale në fushën e akreditimit për të shikuar mundësinë e hapjes së programeve të studimit në gjuhën italiane në Kosovë. Ambasadori De Riu ka thënë se Italia inkurajon bashkëpunimin në fushën e arsimit me Kosovën. Ambasadori De Riu dhe [...]

Agjencia e Kosovës për Akreditim (AKA) ka qenë pjese e konferencës së organizuar në Bruksel nga Asociacioni Evropian për Sigurimin e Cilësisë në Arsimin e Lartë (ENQA) dhe Regjistri Evropian për Sigurimin e Cilësisë në Arsimin e Lartë (EQAR), në të cilin është diskutuar për bashkëpunimin në nivel evropian me gjashtë vendet e Ballkanit Perëndimor për ngritjen e cilësisë në arsimin e lartë. Delegacioni i AKA-së përbëhej nga Kryetarja e Këshillit Shtetëror të Cilësisë (KShC), profesoresha Hasnije Ilazi, Naim Gashi- Drejtor i Përgjithshëm i AKA-së dhe Arrita Gola, këshilltare e Ministres së MAShTI. Drejtuesit e AKA-së kanë zhvilluar takime të veçanta [...]

Qeveria e Kosovës, në mbledhjen e drejtuar nga Kryeministri Albin Kurti, e ka rizgjedhur Naim Gashin, për një mandat të dytë katërvjeçar në pozitën e Drejtorit të Përgjithshëm të Agjencisë së Kosovës për Akreditim (AKA). Vendimi i Qeverisë erdhi me propozimin e ministres së MASHTI-t, Arbërie Nagavci, e cila kishte vlerësuar me performacë pozitive z. Gashi, në mandatin e tij të parë. Propozimin në mbledhjen e Qeverisë, e ka bërë Zëvendësministrja e MASHTI-t, Edona Maloku Bërdyna. “Gjatë tri viteve të mandatit të tij, z. Gashi kishte një performancë shumë të mirë në drejtimin e AKA. Ndonëse e filloj punën në kohë [...]

Agjencia e Kosovës për Akreditim (AKA) ka nisur procesin e akreditimit për vitin 2023, i cili po zhvillohet me prezencë fizike të ekspertëve ndërkombëtarë të akreditimit. Fillimisht ekspertët ndërkombëtarë po zhvillojnë procesin e vlerësimit në nivel institucional, për të vazhduar pastaj me procesin e akreditimit në nivel të programeve të studimit. Në ditën e parë të këtij procesi, është vlerësuar Universiteti i Shkencave të Aplikuara në Ferizaj, për të vazhduar me institucionet e tjera të arsimit të lartë.

Këshilli Shtetëror i Cilësisë (KShC) i Agjencisë së Kosovës për Akreditim (AKA), në mbledhjen e 108-të, e cila ka zgjatur tri ditë, i ka shqyrtuar aplikacionet e institucioneve të arsimit të lartë për akreditim institucional, akreditim dhe riakreditim të programeve të studimit. Institucionet e arsimit të lartë janë njoftuar me shkrim nga AKA-ja për vendimet e Këshillit. Në këtë mbledhje, KShC ka miratuar edhe listën e ekspertëve ndërkombëtarë që do të marrin pjesë në procesin e akreditimit. KShC ka miratuar edhe Planin e Aktiviteteve për vitin 2023, i cili buron nga Plani Strategjik i AKA-së. Në këtë mbledhje janë shqyrtuar të [...]

Duke filluar nga e mërkura, më 14 dhjetor 2022, anëtarët e KShC-së dhe anëtarët e stafit të AKA-së po vizitojnë AQ Austria për një vizitë treditore si pjesë e projektit të binjakëzimit ndërmjet dy agjencive. Projekti financohet nga ADA si pjesë e Projektit HERAS+. Gjatë vizitës, praktikat dhe përvojat më të mira do të ndahen midis anëtarëve të agjencivë homologe, dhe AQ Austria po ndan gjithashtu shumë informacion në lidhje me përputhjen e tyre me standardet ESG 2015 dhe mësimet e nxjerra gjatë vititeve të kaluara.