ENQA zhvilloi një vizitë të progresit në Kosovë
Një ekip i ekspertëve të Asociacionit Evropian të Sigurimit të Cilësisë në Arsimin e Lartë (ENQA) ka zhvilluar më 11 tetor 2023, në Prishtinë, një vizitë të progresit në Agjencinë e Kosovës për Akreditim (AKA).
Vlerësuesit ndërkombëtarë: znj. Maria Weber (AQ Austria) dhe z. Klemen Subic (Slovenian Quality Assurance Agency) kanë adresuar të gjitha standardet e kapitullit 3 të ESG-ve, duke diskutuar kështu progresin e bërë nga AKA në misionin e saj për anëtarësim të plotë në ENQA dhe regjistrimin në EQAR.
Gjatë vizitës së progresit ekspertët e ENQA janë takuar me Këshillin Shtetëror të Cilësisë (KShC), stafin e AKA-së, me përfaqësuesit e institucioneve të arsimit të lartë, përfaqësuesen e Ministrisë së Arsimit, Shkencës, Teknologjisë dhe Inovacionit (MAShTI), si dhe me përfaqësuesit e donatorëve.
AKA ka dorëzuar në ENQA një raport të progresit, i cili ka qenë temë e diskutimit me ekspertët ndërkombëtarë.
Kjo vizitë nuk kishte karakter të vlerësimit, por kishte për qëllim diskutimin e progresit të AKA-së në plotësimin e kritereve të përcaktuara me Udhëzuesit dhe Standardet Evropiane. Qëllimi i vizitës kishte karakter konsultativ dhe këshillëdhënës dhe shërben si tregues i arritjes së përmbushjes së standardeve nga AKA, para vlerësimit përfundimtar nga ENQA.
Ligji për AKA-në, plani strategjik, pavarësia institucionale, rritja e dialogut dhe bashkëpunimit me IAL-të, përfshirja e studentëve në procese të sigurimit të cilësisë etj, ishin vetëm disa nga çështjet e ngritura e për të cilat AKA tashmë ka shënuar progres të dukshëm.
Agjencia e Kosovës për Akreditim ka mirëpritur edhe rekomandimet shtesë dhe ka shprehur zotimin e saj në përmbushje të tyre deri në vlerësimin e radhës nga ENQA.
Antare e plotë në:
![INQAAHE_logo_png[1]](https://akreditimi.rks-gov.net/wp-content/uploads/2020/10/INQAAHE_logo_png1-300x106.png)
Më Shumë Nga Lajmet e Fundit
Fillon procesi i vlerësimit për akreditim për vitin akademik 2027/2028
Agjencia e Kosovës për Akreditim (AKA) ka filluar procesin e vlerësimit për akreditim për vitin akademik 2027/2028. Vlerësimi i parë për këtë vit akademik është realizuar në Universitetin e Prishtinës, nga ekspertë ndërkombëtarë, për programin [...]
AKA dhe MASh diskutojnë për rolin e Agjencisë në Strategjinë e Arsimit 2035+
Në kuadër të procesit të hartimit të Strategjisë së re të Arsimit në Republikën e Kosovës 2035+, Ministri i Arsimit dhe Shkencës, Hajrullah Çeku, së bashku me Sekretarin e Përgjithshëm të Ministrisë, Naim Gashi, vizituan [...]
KShC/AKA raportojnë para Komisionit për Arsim dhe Shkencë të Kuvendit të Republikës së Kosovës
Më 9 nëntor 2026, Këshilli Shtetëror i Cilësisë (KShC) dhe Agjencia e Kosovës për Akreditim (AKA) raportuan para Komisionit për Arsim dhe Shkencë të Kuvendit të Republikës së Kosovës, ku u shqyrtuan raportet vjetore të [...]
AKA organizon punëtori për avancimin e dokumenteve dhe proceseve institucionale
Agjencia e Kosovës për Akreditim (AKA), gjatë periudhës 28–31 tetor 2026, organizoi një punëtori me qëllim të shqyrtimit, plotësimit dhe finalizimit të dokumenteve të rëndësishme për funksionimin dhe avancimin e proceseve institucionale të Agjencisë. Gjatë [...]
Këshilli Shtetëror i Cilësisë (KShC) mbajti mbledhjen e 155-të
Më 26 tetor 2026, Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti mbledhjen e tij të 155-të të rregullt. Gjatë mbledhjes u shqyrtuan çështje të rëndësishme që lidhen me proceset [...]
AKA merr pjesë në Asamblenë e Përgjithshme të ENQA 2026 në Las Palmas de Gran Canaria, Spanjë
Prof. Avni Berisha, President i Këshillit Shtetëror të Cilësisë (KShC), dhe Arianit Krasniqi, Drejtor i Përgjithshëm i Agjencisë së Kosovës për Akreditim (AKA), morën pjesë në Asamblenë e Përgjithshme të Asociacionit Evropian për Sigurimin e [...]







