Akreditimi

Këshilli Shtetëror i Cilësisë (KSHC) i Agjencisë së Kosovës për Akreditim (AKA) në mbledhjen e 106-të, të mbajtur më 25.10.2022, shqyrtoi një numër kërkesash të paraqitura nga Institucionet e Arsimit të Lartë dhe organizatat e shoqërisë civile. Të gjitha institucionet do të komunikohen për vendimin e marrë gjatë mbledhjes sipas kërkesave të tyre. KSHC gjithashtu ka marrë vendimin për anulimin e Konferencës CHAIR. KSHC dhe AKA do të shqyrtojnë informacionin dhe resurset e mbledhura deri më tani, me shpresën se konferenca mund të organizohet me një grup të madh agjencish dhe subjektesh pjesëmarrëse. Me respekt, Agjencia e Kosovës për Akreditim

Komisioni Evropian, në Raportin për Kosovës që u publikua më 12.10.2022 në Bruksel, ka thënë se Agjencia e Kosovës për Akreditim ka zbatuar rekomandimet e Asociacionit Evropian të Sigurimit të Cilësisë në Arsimin e Lartë (ENQA) që lidhen me pavarësi institucionale dhe financiare. “Pas përjashtimit nga Asociacioni Evropian për Sigurimin e Cilësisë në Arsimin e Lartë, Agjencia Kosovare e Akreditimit (AKA) ka zbatuar rekomandimet që kanë të bëjnë me pavarësinë institucionale dhe financiare, si dhe rritjen e numrit të stafit”, thuhet në Raportin e Komisionit Evropian për Kosovë. Pavarësia institucionale dhe financiare dhe rritja e kapaciteteve humane kanë qenë rekomandimet kryesore [...]

Kryetarja e Këshillit Shtetëror të Cilësisë (KShC), profesoresha Hasnije Ilazi dhe drejtori i Agjencisë së Kosovës për Akreditim (AKA), Naim Gashi, kanë pritur në takim përfaqësues të Ambasadës së Shteteve të Bashkuara (SHBA) në Prishtinë, znj. Kelsey De Rinaldis, zëvendës zyrtare për çështje publike dhe znj. Remzije Potoku, specialiste në Ambasadën Amerikane për politika të edukimit. Në takim është diskutuar për përkrahjen institucionale dhe financiare të Ambasadës Amerikane për Agjencinë e Kosovës për Akreditim si dhe për punën e AKA-së në ngritjen e cilësisë në arsimin e lartë. Kryetarja e KShC-së, profesoresha Hasnije Ilazi, tha se AKA po e realizon me [...]

Në ueb faqen zyrtare të Asociacionit Evropian të Sigurimit të Cilësisë në Arsimin e Lartë (ENQA) është vendosur edhe logoja dhe kredencialet e Agjencisë së Kosovës për Akreditim (AKA). Kjo është mundësuar pasi që Bordi i ENQA i ka dhënë statusin “affiliate” Agjencisë së Kosovës për Akreditim. Me rekomandimin e ENQA të gjitha vendimet dhe komunikimet e AKA do ta mbajnë edhe logon “ENQA Affiliate”. Më 3 shtator 2022, drejtoresha e ENQA, Anna Gover, i ka konfirmuar drejtorit të AKA-së, Naim Gashi, se është pranuar aplikacioni i AKA-së për Statusin anëtar “affiliate”. Ky vendim erdhi pasi që AKA ka bërë progres [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA), në takimin e rregullt vjetor, ka diskutuar të martën, më 04.10.2022, me drejtuesit e institucioneve të arsimit të lartë (IAL) për ngritjen e cilësisë në sistemin e arsimit në Kosovë. Kryetarja e KShC-së, profesoresha Hasnije Ilazi, fillimisht i ka uruar të gjitha institucionet e arsimit të lartë për statusin e ri të AKA-së si anëtare “affiliate” në Asociacionin Evropian të Sigurimit të Cilësisë në Arsimin e Lartë (ENQA). Kryetarja Ilazi ka thënë se ky është një sukses i përbashkët i AKA-së, IAL-ve, institucioneve të Kosovës dhe donatorëve ndërkombëtarë. Kreu [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA) mbajti më 04.10.2022 mbledhjen e rregullt në të cilën janë diskutuar disa pika të rendit të ditës. Në këtë mbledhje janë shqyrtuar dhe është vendosur për dy raporte të ekspertëve ndërkombëtarë disa ankesa dhe kërkesa të institucioneve të arsimit të lartë. KShC e ka përshëndetur vendimin e fundit të Asociacionit Evropian të Sigurimit të Cilësisë në Arsimin e Lartë (ENQA) për t'i dhënë AKA-së statusin “affiliate”.

Drejtori i Agjencisë së Kosovës për Akreditim (AKA), Naim Gashi, ka pranuar të hënën, më 3 shtator 2022, një letër nga drejtoresha e Asociacionit Evropian për Sigurimin e Cilësisë në Arsimin e Lartë (ENQA), Anna Gover me të cilën konfirmohet se është pranuar aplikacioni i Agjencisë së Akreditimit për Statusin anëtar “affiliate”. “Kam kënaqësinë t'ju informoj se në mbledhjen e 20 shtatorit 2022, Bordi i ENQA-s shqyrtoi aplikacionin tuaj për anëtarësim në ENQA dhe vendosi t'i japë AKA statusin e ‘affiliate’ në ENQA”, shkruan në letrën e drejtoreshës së ENQA, drejtuar drejtorit të Agjencisë së Kosovës për Akreditim Naim Gashi. Në [...]

Një delegacion i Agjencisë së Kosovës për Akreditim (AKA), është pritur në Zagreb nga drejtues të Agjencisë së Kroacisë për Shkencë në Arsimin e Lartë (AZVO), ku është biseduar për intensifikimin e bashkëpunimit për ngritjen e cilësisë në arsimin e lartë. Delegacioni i Kosovës përbëhej nga Kryetarja e Këshilli Shtetëror i Cilësisë (KShC), profesoresha Hasnije Ilazi, anëtarët e KShC-së, profesoresha Maja Martinovic dhe Dukagjin Zeka si dhe nga drejtori i AKA-së, Naim Gashi. Nikoqir i këtij takimi ishte drejtoresha e AZVO, Sandra Bezjak dhe bashkëpunëtorët e saj. Në këtë takim palët kanë vlerësuar si shumë të rëndësishëm përkrahjen e AZVO për [...]

Projekti QAINT fton kompanitë e interesuara të paraqesin oferta për: Furnizimi me pajisje elektronike dhe ICT për Agjencinë Kosovare të Akreditimit (AKA). Nëse jeni të interesuar, gjeni linkun e mëposhtëm për të parë dosjen e tenderit. Rishpallje nga KEC Afati i fundit për dorëzimin e ofertave është data 23 shtator 2022 ora 16:00. Ofertat duhet të dorëzohen në kopje fizike në zarf të mbyllur në adresën: Qendra për Arsim e Kosovës (KEC) Kompleksi shkollor “Mileniumi i Tretë”. Rr. Qëndresa, nr.48, Matiçan, 10000, Prishtinë, Kosovë. Dosjet e tenderit: Lots 1 deri 4 Lot 5