Uncategorized

Agjencia e Kosovës për Akreditim ka publikuar më 06.08.2021 listën me programet e akredituara në institucionet e arsimit të lartë në Republikën e Kosovës për vitin e ri akademik 2021/2022. Në listën e vendimeve me programet e akredituara përfshihen vendimet e Këshillit Shtetëror të Cilësisë (KShC) të datës 27.07.2021, por edhe programet që kanë pasur akreditim të mëhershëm. Njoftohem të gjithë studentët e rinj, se asnjë program akademik i cili nuk ndodhet në këtë listë, nuk është valid në Republikën e Kosovës. Procesi i akreditimit ka filluar në muajin janar të vitit 2021, fillimisht me akreditimin institucional, ndërsa më pas ka [...]

Këshilli Shtetëror i Cilësisë (KShC) i Agjencisë së Kosovës për Akreditim (AKA) me datë 27.07.2021 mbajti mbledhjen e 87-të me radhë. Në kuadër të pikave të rendit të ditës u shqyrtuan raportet e ekspertëve ndërkombëtarë të akreditimit në nivel institucional dhe të programeve. KShC ka marrë vendim për të gjitha raportet e ekspertëve ndërkombëtarë dhe në këtë mënyrë është krijuar mundësia për hapjen e konkurseve për pranimin e studentëve në vitin e ri akademik 2021/2022 në të gjitha institucionet dhe programet e akredituara në Republikën e Kosovës. Po ashtu, KShC ka shqyrtuar dhe ka marrë vendim për të gjitha ankesat dhe [...]

Rrjeti i Evropës Qendrore dhe Lindore të Agjencive të Sigurimit të Cilësisë në Arsimin e Lartë (CEENQA), për herë të dytë brenda gjashtë muajsh, edhe në muajin korrik 2021, e ka prezantuar Agjencinë e Kosovës për Akreditim (AKA) si storie të suksesit në menaxhimin e procesit të akreditimit dhe sigurimin e cilësisë në arsimin e lartë. CEENQA në revistën e muajit korrik 2021, e ka vlerësuar lartë përfundimin e procesit të akreditimit të 239 programeve akademike në Kosovë, përkundër shumë kufizimeve në kohë pandemie. CEENQA e ka prezantuar punën e suksesshme të AKA-së në këto fusha: - Draftimin e Ligjit për [...]

Drejtori i Agjencisë së Kosovës për Akreditim (AKA), Naim Gashi, u prit në takim nga përfaqësuesit e Seksionit të Diplomacisë Publike, në Ambasadën e SH.B.A.-së në Prishtinë, ku u diskutua për projektet që janë duke u zbatuar. Gjatë takimit u bisedua për rëndësinë e rritjes së cilësisë së arsimit të lartë dhe ndërlidhjen e sistemit të arsimit me tregun e punës. Një temë tjetër e takimit ishte rëndësia e pavarësisë institucionale të Agjencisë së Akreditimit, transparenca dhe llogaridhënia, në mënyrë që të nxitet zhvillimi i sistemit të arsimit të lartë në Kosovë.

Nën kryesimin e Ministres se Arsimit, Shkencës, Teknologjisë dhe Inovacionit, Arbërie Nagavci, Këshilli Shtetëror i Cilësisë (KShC) i Republikës së Kosovës, ka vazhduar mbledhjen konstituive, ku është zgjedhur kryesia e re: profesoresha Hasnije Ilazi u zgjodh kryetare, ndërsa profesoresha Cassie Barnhardt nënkryetare. Konform Udhëzimit Administrativ, mbledhja e parë konstituive udhëhiqet nga Ministrja e MASHTI-të. Këshilli Shtetëror i Cilësisë përbëhet prej 9 anëtarëve, 6 anëtarë vendorë dhe 3 anëtarë ndërkombëtarë.

Agjencia e Akreditimit e Kosovës (AKA) dhe Projekti Arsimi i Lartë, Kërkimi dhe Shkencat e Zbatuara Plus prezantuan Udhëzimet për Akreditimin e Jashtëm të Institucioneve të Arsimit të Lartë dhe Programet e Studimit, një Manual Induksioni dhe Trajnimi i zhvilluar për të siguruar udhëzime të bazuara në praktikë për ekspertët ndërkombëtarë të vlerësimit të kryejë një vlerësim të jashtëm të Institucioneve të Arsimit të Lartë (IAL) në Kosovë në emër të Agjencisë së Akreditimit të Kosovës (AKA). Manuali është jetik pasi Agjencia do ta përdorë atë për t'u ofruar ekspertëve trajnim zyrtar në temat përkatëse të procesit të akreditimit dhe kuptimin [...]

Agjencia e Kosovës për Akreditim (AKA) dhe anëtarët e Këshillit Shtetëror të Cilësisë (KShC), pas një takimi konsultativ që zhvilluan të premten, më datë 05.02.2021, i njoftojnë të gjitha institucionet e arsimit të lartë në Republikën e Kosovës se vazhdon procesi i vlerësimeve të akreditimit institucional dhe programeve akademike. Dorëheqjet e fundit nga KShC-ja, për fazën aktuale, nuk kanë ndikim në mbarëvajtjen e punëve të Agjencisë së Akreditimit. Agjencia e Kosovës për Akreditim shpreson që institucionet vendore dhe partnerët ndërkombëtarë, konform kornizës ligjore, do të kontribuojnë në plotësimin e vendeve të parapara për anëtarë ndërkombëtarë të KShC-së, me çka do të [...]